الفنانة المصرية شرين عبد الوهاب تتصدر التريند حيث اصبحت حديث السوشيال ميديا بعد اخر تصريحاتها حول زوجها السابق حسام حبيب , حيث تحدثت عن العنف الجسدي والنفسي الذي تسبب لها من قبل حسام حبيب خلال مداخلة هاتفية مع الإعلامية لميس الحديدي عبر برنامجها (كلمة أخيرة) الذي يعرض على شاشة (ON) المصرية.
حيث قالت شيرين: “أنا آسفة إني بتكلم في موضوعي..الناس والبلد عندها مشاكل وأنا حاسة إن موضوعي بوّخ..أنا بتأسف على الكذب اللي كذبته عشان أخلي صورة إنسان تبقى كويسة..وأنا بالذات مش بحب الكذب..كذبت في حاجات كتير قوي عشان أنا بنت أصول، وممكن يروح الإنسان ده يتجوز من عائلة تانية..وأنا بصراحة نفسي يتجوز ويغور ويبعد عني”.
وقالت أيضا : “عيالي 4 سنين شايفين الويل..سافرنا الساحل وبناتي نفسيتهم تعبانة..وماكناش عايشين وماكنوش يعرفوا إنى عايشة مع زوج مابيشتغلش تقريبا..وكنت محبوسة 24 ساعة فى أوضة نومي ومبعملش حاجة..أنا غلطت في شيرين عبد الوهاب..وأنا إنسانة بحافظ على بيتى ولكن مكنش بيت كانت مصيدة فيران”.
وأضافت ايضا: “كل خناقة تحصل ما بينا يحرق دمي لحد ما أمسك المكنة وأحلق شعري.. وطلعت غنيت عشان بناتى ما يتعقدوش وحسستهم إنه لوك وعملت حفلة..ولما رجعنا لبعض تاني رجعوا تاني البنات يشوفوا إنه بيتدخل فى كل شيء وإنه إنسان معندهوش شغل وكرهني فى بناتي..حاولنا نرجع لبعض وقالوا إن حسام كتف شيرين وحلق لها شعرها..وقولت في آخر المكالمة كنت بحبه عشان أرحمه من كلام الناس..ولكن هو فعلا اللي حلق لي شعري..وشوفت أيام سود معاه”.
وقالت أيضا شيرين: “هو اللي وصلني إني أحلق شعري ولما كنا في الفورسيزون وزعلانه منه فجأة صالحني بعدها اتخانقنا وقولتله امشي قالي لا انتي هتنزلي معايا دلوقت للمأذون قولتله يعني أنا أبقى شيرين عبد الوهاب وعايز تجرني تنزلني بقميص نومى عشان تودينى اتطلق؟”.
وقالت أيضا “لما اتطلقت حاولنا نرجع تاني..وقلنا ندي فرصة تاني بشرط إننا نعيش في بيت تاني ونبعد بناتنا عن المشاكل ونشتغل..وكان البيت عندي كبير وهو كان بيتردد على البيت وكنت أؤهل بناتي إنه لسه في حياتنا..لحد ما الوعود اختفت من تاني والمشاكل وقلة الأدب رجعت من غير سبب”.
وصرحت عن طلاقها قائلة: “اتطلقت لما قصيت شعري طلاق بائن..ولما هديت حسيت إني مش قادرة أستغنى عنه وإني ممكن أديله فرصة تانية وأبعد عن الفجر في الخصومة..علاقة الزواج مقدسة جدا ولازم نحافظ عليها..وأنا كنت بحبه وفاكراه ابني مش جوزي بس”.
وتطرقت لنطاق ان كانت لاتزال تحب حسام حبيب قائلة :”مين بيقول إني لسه بحبه حبته عقربة ينام فيها..أنا أحبه ده أنا في حياتي ما اتأذيت من إنسان كده..إنسان قلبه أسود..وربنا أتجوز الفيل أبو زلومة..أروح أتجوز قرد من جنينة الحيوانات..ولا أتجوز حسام حبيب”.